Festimet për Festën Kombëtare të Pavarësisë nisën nga qyteti i Vlorës, aty ku 102 vjet më parë Ismail Qemali e shpalli Shqipërinë shtet të pavarur.
Ceremonia zyrtare, e organizuar në sheshin e Flamurit, mblodhi krerët më të lartë të shtetit, Presidentin e Republikes, Bujar Nishani, Kryetari i Parlamentit, Meta, Kryeministri Rama dhe një pjesë e kabinetit qeveritar.
Ngritja e Flamurit iu besua 2 kampionëve të peshëngritjes, Daniel Godelli dhe Romela Begaj.
Pas ekzekutimit të himnit kombëtar, Presidenti i Republikës, Kryeparlamentari dhe Kreu i Qeverise vendosën kurora me lule pranë monumentit të pavarësisë.
Aktivitete të tjera janë organizuar në disa qytete të vendit. E po kështu edhe në Prishtinë, Shkup e Ulqin.
Tv Klan
