18 kilogramë tritol për shpërthimin e një ndërtese



Inspektorati Kombëtar i Mbrojtjes së Territorit do të kryejë sot në Pukë shpërthimin e kontrolluar të një objekti gjashtë katësh.

Në një njoftim për mediat, ky Inspektorat sqaron se bëhet fjalë për një ndërtesë të dalë jashtë përdorimit, e cila ka qenë fabrika e miellit të këtij qyteti, tashmë e braktisur prej kohësh.

Për këtë operacion në trupin e objektit janë hapur 200 vrima dhe do të përdoret 18 kilogramë lëndë shpërthyese. IKMT ndodhet në Pukë prej disa ditësh duke kryer operacione të ndryshme në kuadër të projektit “Rikualifikimi urban i qytetit të Pukës”.

Deri më tani, IKMT ka prishur 17 objekte të madhësive të ndryshme. Shpërthimi i objektit gjashtë katësh do të kryhet në orën 15.00./tvklan.al

Kategori
AktualitetTe funditTë gjitha
0 Komente

Përgjigju

*

*