Një 23-vjeçar është vrarë me armë zjarri mesditën e së premtes në fshatin Vranisht, në Vlorë. Sipas të dhënave paraprake nga policia e këtij qyteti, ka qenë ora 12:34 kur autori i krimit Marjo Ribaj rreth 23 vjeç ka shkrehur plumbat me armen e zjarrit tip “Automatik”, në drejtim të bashkëfshatarit të tij Fabjon Veizaj.
Dy të rinjtë ishin shokë me njeri-tjetrin, siç e tregon kjo foto e tyre e hedhur në rrjetet sociale.
Ngjarja ka ndodhur pranë banesës se Fabjon Veizaj, i cili për shkak të plagëve të rënda ka ndërruar jetë në vend.
Të dhënat paraprake tregojnë krimi ka ndodhur pas një konflikti për shitjen e një makinë, për të cilën dy të rinjtë nuk kanë rënë dakord.
Policia bën me dije se ka ngritur grupe kontrolli të posaçme në rrugët dalëse të fshatit Vranisht dhe në drejtim të fshatrave të tjerë për të kapur autorin./ TV KLAN