Afro 50 persona u helmuan nga ushqimi në një lokal dasme në Shijak. Dasmorët shfaqën probleme shëndetësore me të vjella, përzierje, diarre e temperaturë të lartë. Në spitalin rajonal të Durrës qëndrojnë ende të shtruar 12 pacientë.
Ata thonë se nisën te kenë shqetësime pas konsumimit te ushqimit.
“
U Helmuam. Ishim në dasëm, nuk kuptuam asgjë, vetëm kur dolëm ditën tjetër na dha shqetësim.
”
“
Hëngrëm në dasëm. U kënaqëm atje, ditën tjetër pastaj u sëmurëm.
”
Policia nisi hetimet për këtë rast, duke marrë deklarime të pacientëve, shumica e të cilëve kaluan gjendjen e rrezikut.
Nadire Jani, shefe e repartit infektiv SRD, tha se “
pacienti i parë që ka ardhur ka qenë me shqetësime të barkut, të vjella, temperaturë të lartë. Pas këtij rasti kanë ardhur edhe dy të tjerë…pas këtyre kanë ardhur edhe 9 të tjerë. Deri në orën 12 të natës kemi pasur prurje.
”
Drejtoria e Shëndetit Publik nisi një inspektim në lokalin ku ndodhi helmimi. Mostra të ushqimeve të konsumuara u dërguan për ekzaminim në laborator. Tashmë pritet përfundimit i analizave toksikologjike për të parë se kush e ka shkaktuar helmimin e ushqimit. Nëse vërtetohet se helmimi është shkaktuar nga ushqimi, pritet që të merren ndaj pronarit të lokalit. /TV Klan
