AKBN hedh dyshime se Bankers Petroleum mashtroi me shpenzimet

Shteti shqiptar do të kontestojë në Gjykatën e Arbitrazhit Ndërkombëtar 247 milion dollarë shpenzime të cilat nuk ia njeh Bankers Petrolium për vitin 2011-të.

Në një raport të hartuar nga Agjencia Kombëtare e Burimeve Natyrore, thuhet se Bankers duhet të derdhë në buxhetin e shtetit 60 milion dollarë tatim fitim, pasi përmes mashtrimit të bilanceve ajo ka deklaruar shpenzime të fryra dhe në shkelje të kontratës që ka me Shqipërinë.

 Kontrata e detyron koncesionarin e një ndër fushave më të mëdha naftëmbajtëse në Europë që të paguajë 50% fitimit në buxhet, por ka 11 vite që pronarët kanadezë të saj, e sot kinezë, deklarojnë se dalin me humbje.

Por kjo nuk rezulton kështu në gjetjet që ka bërë AKBN dhe drejtoria e tatimeve. Sipas tyre, Bankers ka mashtruar për tw fshehur fitimet dhe për tw shmangur taksat.

Mashtrimi është bere përmes investimeve. Tek investimet është shkelur edhe kontrata. 

Çdo shpenzim që kalon vlerën 2 milion dollarë duhet të bëhet me tender, thuhet ne kontrate.

Por Bankers nuk ka vepruar kështu me 8 raste dhe me 8 kompani vetëm gjatë një viti.

Janë 114 milion dollarë shpenzime për ndërtime pusesh, të cilat Bankers i ka bërë me prokurim të drejtëpërdrejtë.

Dy firmat të cilat kanë marrë punët më të mëdha janë kanadezët e Simmons dhe shqiptarët e Albstar. Në raport citohet se edhe pse ka 1 951 kompani ndërtimi, ku 111 janë vetëm në zonën e Fierit, Bankers ka kontraktuar vetëm Albstar.

Një tjetër gjetje me shkelje sipas AKBN është edhe sasia e holluesit që Bankers ka marrë për të bërë shpimin e puseve, e cila ka qenë 2 fish mbi nevojat e vitit, dhe me çmim 30% më të lartë se ai i bursës. Edhe kjo sipas AKBN është bërë për të rritur shpenzimet, me qëllim që të mos deklarohet fitim dhe të mos paguhet tatimi mbi të.

Tv Klan

Kategori
EkonomiLajmet KryesoreTe funditTë gjithaVideo
0 Komente

Përgjigju

*

*





Emisione