Tre persona kanë humbur jetën ndërsa një tjetër ka mbetur i plagosur rëndë në një aksident në Rrugën e Kombit.
Sipas policisë së qytetit, tre viktimat dhe i plagosuri po udhëtonin me një automjet i cili fillimisht u përplas me një karrotrec dhe më pas doli nga rruga. Aksidenti ndodhi rreth orës 17:00 në hyrje të qytetit të Kukësit ku për pasojë humbën jetën Elton Rramani nga Burreli, Kristjan Tuci nga Mirdita dhe Agron Kurti nga Puka.
Ndërsa i plagosuri Arben Rramani, pasi mori ndihmën mjekësore në spitalin rajonal të Kukësit, u dërgua menjëherë për në spitalin e Traumës në Tiranë.
Ndërkohë që uniformat blu po hetojnë për shkaqet e aksidentit të rëndë, dyshohet se shkak ka qenë shpejtësia tej normave të lejuara.
Tv Klan
