Ditën e mërkurë kreu i opozitë Lulzim Basha në një deklaratë për gazetarë tha se do të dorëzonte në Kuvend 16 amendamente që ulin barrën fiskale për shqiptarët dhe se nuk do të lejonte miratimin e Buxhetit 2018.
Por kryeministri Edi Rama iu përgjigj sot nga foltorja e Kuvendit duke thënë se Amendamentet e Partisë Demokratike tregojnë se ajo parti s’ka asnjë vizion alternativ, asnjë program për të ardhmen e vendit; asnjë ide tjetër përveç atyre të programit elektoral të vitit 2005
“Amendamentet e PD tregojnë se kjo parti s’ka asnjë vizion alternativ, asnjë program për të ardhmen e vendi, asnjë ide tjetër përveç atyre të programit elektoral të vitit 2005, që rezultuan dëshira elektorale 8 vite rresht në qeverisjen e dështuar të kësaj force politike. Është e hatashme të shikosh sesi një grup parlamentar që i bije të jetë i katërtit në radhë pas 2005 vjen dhe i propozon Kuvendit masa të parashikuara në programin e 2005, zgjidhje të ofruara në atë program të 12 viteve më parë, të cilat gjatë zbatimit rezultuan, zgjidhje pa zgjidhje. Kjo është e vërteta
“./tvklan.al
