Angel Maria Villar është arrestuar nga policia spanjolle në kuadër të një operacioni antikorrupsion.
Presidenti i Federatës Spanjolle të Futbollit u prangos sëbashku me të birin dhe 10 persona të tjerë paraditen e së martës në një operacion të gjerë.
Policia kontrolloi edhe zyrat e federatës spanjolle në Madrid, ato rajonale dhe banesa për të siguruar prova.
Ata akuzohen për shpërdorim fondesh dhe falsifikim të dokumentacionit në organizimin e ndeshjeve ndërkombëtare.
Angel Maria Villar u rizgjodh këtë vit në postin e kreut të futbollit spanjoll. Villar është president i Federatës Spanjolle prej vitit 1998. Ai është zv/President i UEFA-s dhe FIFA-s.
/Tv Klan
