Basha: Largimi i Tahirit dhe Beqajt, nisja e betejës së opozitës

Edhe pse Saimir Tahiri e Ilir Beqaj kanë qenë në shënjestër të akuzave të opozitës për lidhje me krimin, narkotrafikun e afera klienteliste, shkarkimet e tyre, Lulzim Basha i sheh vetëm si fillimin e një beteje të nisur 24 ditë më parë nga opozita. Kreu i demokratëve tha se opozita nuk do të ndalet pa largimin e kryeministrit Rama dhe krijimit të një qeverie teknike, që sipas tij do t’i hapë rrugë një procesi zgjedhor demokratik.

Lulzim Basha, Kryetar i PD-së: Ne e dimë se këta të dy, e dy të tjerët janë shërbëtorë të kupolës se krimit, ndaj flijimi i tyre dhe largimi i çirakëve na inkurajon për t’i shkuar deri në fund betejës që kemi nisur.

Një paralajmërim e bëri edhe për kryeministrin Rama nëse do të vërtetohen akuzat e një portali italian për futjen e mbetjeve të rrezikshme në Shqipëri.

Shqetësimin për situatën politike në vend Lulzim Basha së bashku me aleatët e opozitës e ndanë edhe me ambasadorët e vendeve të BE-së në një drekë punë që zgjati afro dy orë, ku u vu re mungesa e ambasadores së Bashkimit Europian, Romana Vlahutin.

Diskutuam zhvillimet politike dhe rrugëdaljen nga kriza politike ku e ka futur vendin pamundësia e zgjedhjeve të lira dhe të ndershme me një qeveri të bërë njish me krimin dhe drogën.”

I pyetur nga media për mospjesëmarrjen e ambasadores së Bashkimit Europian Romana Vlahutin, në takim Basha tha se opozita ka një komunikim të vazhdueshëm me aleatët europianë e amerikanë dhe se në drekën e punës mungonin edhe ambasadorë të tjerë të vendeve të BE-së.

Tv Klan

 

Kategori
Lajmet KryesorePolitikaTë gjithaVideo
0 Komente

Përgjigju

*

*





Emisione








Të Lidhura

  • Juventus marshon drejt titullit

    Juventus duket se do ta mbyllë sa më shpejt çështjen e titullit. Torinezët fituan përballjen e javës së 33 me Genoan me rezultatin 4 – 0, duke shtuar pikët...
  • Rritet Euro

    Monedha e Euros ka pësuar ndryshime, pas zgjedhjeve presidenciale që u mbajtën në Francë. Bëhet fjalë për rritje të vlerës, më e madhja që nga mesi i Nëntorit të...
  • Fitojnë ekipet e kreut

    Asnjë nga ekipet e kreut nuk dështoi në takimet e javës së 30. Kukësi mbetet i pathyeshëm në këtë kampionat. Skuadra e Ernest Gjokës mundi 4 – 1 Tiranën...
  • Përse duhet ngrënë lëvozhga e vezës

    Business Insider raporton se çdo vit, vetëm në SHBA industria e ushqimit është përgjegjëse për rreth 150 mijë ton humbje të lëvozhgave. Kur vjen puna tek vezët, lëvozhga padyshim që...