Vendim të drejtë, e cilësoi kryetari i Partisë Demokratike, Lulzim Basha pezullimin e ligjit të vettingu-t nga Gjykata Kushtetuese.
Ndonëse një vendim i ndërmjetëm tha kreu i opozitës, ai i mohon kryeministrit mundësinë e kapjes së sistemit të drejtësisë.
Kreu i PD, Lulzim Basha:
Është një vendim i ndërmjetëm, ne presim vendimin përfundimtar, pa dyshim si vendim i ndërmjetëm është vendim i drejtë sepse i mohon Edi Ramës mundësinë që përmes qehajajve të tij të vendosë se cilët prokurë janë të korruptuar dhe cilët nuk janë. Është një vendim që i hap rrugën zbatimit të kushtetutës së 22 korrikut.
Këtë deklaratë Basha e bëri pas mbledhjes së Grupit Parlamentar, në të cilën tha se u diskutua për aksionin e opozitës lidhur me situatën alarmante sipas tij të kanabizimit në vend, ku një ndër opsionet shihet dhe largimi i demokratëve nga parlamenti.
Kreu i PD, Lulzim Basha:
Në po diskutojmë, e diskutuan në grupin parlamentar, me aktivet e PD, me aleatët tanë, me shoqërinë civile, me qytetarët të gjitha format e kundërvënies ndaj këtij regjimi narkotrafikantësh që e quan veten Qeveria e Republikës së Shqipërisë. Gjithçka që po ndodh.
Basha komentoi edhe deklaratën e Ministrit të Drejtësisë, Ylli Manaj për përfshirjen e ushtrisë në aksionet anti-kanabis.
Sipas tij ky qëndrim i njërit prej anëtarëve të qeverisë dëshmon kthimin e Shqipërisë në narko-republikë./ TV KLAN
