Shqiptarët po lindin më pak fëmijë. Raporti i fundit i Bankës Botërore flet për shifra 3 herë më të ulta se përpara 30 viteve. Ky fakt pohohet edhe nga bluzat e bardha në sistemin shëndetësor, të cilat thonë se shumë çifte kanë vështirësi në arritjen e një shtatzanie.
Veç martesave në moshë të madhe dhe dëshirës për të mos patur shumë fëmijë, mënyra moderne e jetesës, ndotja e ambjentit dhe ushqimi janë disa faktorë që ndikojnë në sterilitetin e meshkujve.
Në problemet e infertilitetit, meshkujt dhe femrat janë të barabartë.
Në çiftet që kanë probleme, por kërkojnë ndihmën e mjekëve për të sjellë në jetë një fëmijë, 30% ia dalin mbanë me mjekime apo falë teknikave ndihmëse të invitros.
Tv Klan