Dalja e Britanisë nga Bashkimi Europian jep efektet e para edhe në Shqipëri nëpërmjet zhvleftësimit të paundit britanik. Java nisi me një tjetër rënie të monedhës britanike në tregun vendas. Pas rënies së shënuar me 8.05 lekë të premten e kaluar, këtë të hënë paundi ra me 6.79 lekë, sipas shifrave zyrtare të Bankës së Shqipërisë. Paundi u këmbye mesatarisht me 165.14 lekë, nivel ky më i ulët i katër viteve të fundit. Ekspertet thonë se efektet negative të këtij zhvleftësimi ndihen në disa drejtime.
Për sa i përket efektit të zhvleftësimit të paundit në depozita, burime nga Banka e Shqipërisë thonë se sasia e tyre në sistemin bankar është shume e vogël. Emigrante shqiptare të regjistruar në Britani sipas të dhënave nga Organizata e Kombeve të Bashkuara janë afro 10 000, por numri mendohet më i madh, për shkak se shumë prej tyre janë regjistruar si kosovarë.
Ndërsa shkëmbimet tregtare shqiptare me Mbretërinë e Bashkuar zënë 0.7% të volumit tregtar. Ekspertet e ekonomisë sqarojnë se ekonomia shqiptare nuk është e varur nga ekonomia dhe financat Britanike dhe për këtë arsye, efektet e Brexit edhe pse kanë nisur të ndihen, do të jenë minimale. /TV KLAN
BSH, KURSI ZYRTAR I KEMBIMIT
Poundi Britanik (GBP)
27.06.2016 165.14 lekë
-6.79 lekë
24.06.2016 171.93 lekë
– 8.05 lekë