Ministri i Punëve të Jashtme të Serbisë, Ivica Daciç, në Këshillin e Sigurimit të Kombeve të Bashkuara, ka thënë se nuk ka pasur kurrë gjenocid apo spastrim etnik ndaj kosovarëve.

Ai ka deklaruar se është e habitshme se si ata që pretendojnë se ndaj tyre u krye gjenocid tani janë në numër katër herë më të madh se para vitit 1999, duke theksuar se janë serbët ata që janë pakësuar në numër, raporton Klan Kosova.

“Përfaqësuesit e Kosovës thonë se kosovarët kane qenë qytetarë të mirë para se Sllobodan Millosheviq të merrte pushtetin, që është fabrikim”.

“Definicioni themelor i gjenocidit është shkatërrimi apo përjashtimi i situatës. Përfaqësuesit e Serbisë kanë thënë se këto gjëra duhen dënuar, por historia nuk thotë se ka pasur ndonjëherë spastrim etnik në Kosovë. Si mund të ketë pasur kur ata që pretendojnë se u spastruan etnikisht janë në numër më të madh se më parë. Ndërsa lokalitetet serbe janë zvogëluar”.

Daçiç ka kërkuar që të procedohet me formimin e Bashkësisë së Komunave Serbe, pasi është instrument për mbrojtjen e të drejtave në, siç e ka quajtur ai, Kosovë dhe Metohi.

“Bashkësia e Komunave me shumicë serbe nuk është themeluar ende. Ka pasur një aspiratë për të ofruar mbrotje sistematike për komunitetin serb për shkak të mungesës së mekanizmave institucional për të mbrojtur interesat e tyre. Vetë Joe Biden e tha që është e domosdoshme që kjo çështje të zgjidhet shpejtë si kusht për stabilizimin e rajonit. Dua të them që jo të gjitha problemet janë në veri të Kosovës”.

“Sa i përket kthimit raporti paraqet një pamje fiktive se Prishtina po bën përparime serioze në kthimin e serbëve”./tvklan.al