Pas javësh përgatitje, 12 personazhet e jetës publike të përzgjedhur për edicionin e tretë të “Dance With Me” ndihen gati te ngjiten në këtë skenë, ku do të konkurrojnë mes njëri – tjetrit, jo me profesionin e tyre, por në gjininë e vallëzimit, atë profesionist.
Pas ushtrimit në palestër, gjashtë çiftet në garë u ngjitën në skenë, në atë që njihet si prova gjenerale, për të marrë këshillat e fundit nga produksioni.
Këtë sezon, në skenën e “Dance With Me” do të prezantojnë aftësitë e tyre në vallëzim, nën koreografitë e Albi Nakos, personazhe të teatrit, muzikës, spektaklit, por edhe politik – bërës e shef kuzhine.
Produksioni i Vera Grabockës dhe Alketa Vejsiut, gjykimin e konkurrentëve ia beson sërish treshes, Valbona Selimllarit, Albi Nakos dhe Robert Aliajt.
Kush do të jetë fituesi i “Dance With Me” 3? Mbetet për t’u zbuluar të hënë pas të hënë, në një transmetim të drejtpërdrejt në ekranin e Televizionit Klan, duke nisur nga sonte në orën 20:15.
Tv Klan
