Një automjet i parkuar është djegur pjesërisht, pasi persona të paidentifikuar kanë hedhur brenda saj lëndë djegëse. Ngjarja ka ndodhur mëngjesin e së mërkurës rreth orës 03:30, në lagjen “Besëlidhja”, Lezhë.
Sipas njoftimit të policisë autorët kanë thyer xhamin e mjetit tip Volkswagen me targa AA 096 O S, në pronësi të shtetases me inicialet L.P., i cili i ka qenë i parkuar duke i hedhur një shishe me lëndë djegëse brenda në automjet, ku nga zjarri i shkaktuar janë djegur pjesërisht sedilet dhe tapiceria.
Grupi hetimor po vijon kryerjen e veprimeve hetimore në vendngjarje si dhe po bëhet këqyrja e kamerave përgjatë rrugës dhe në afërsi të vendit të ngjarjes me qëllim sqarimin e plotë të rrethanave të ngjarjes dhe identifikimin e autorëve.
/tvklan.al
