Dy motrave, të cilat janë transferuar nga fshati në qytet për të qenë më afër punës, u kanë vjedhur televizorët në banesë.
Sipas gazetarit të “Aldo Morning Show”, vajzat kanë zbuluar se autor ishte djali i pronarit të cilit i paguanin qeranë.
Gazetari sqaroi se autori vidhte televizorët për të blerë cigare.
“Dy motra nga një fshat i Fierit kanë ardhur në qytet për të jetuar me qera për të qenë më afër punës së tyre. Por, vajzave iu kanë vjedhur televizorin dhe janë detyruar të blejnë një tjetër, por edhe atë ia kanë vjedhur.
Vajzat kanë pyetur të gjithë komshinjtë se kush mund të ishte hajduti dhe kanë zbuluar se televizorët i vidhte djali i pronarit të cilit i paguanin qeranë”,
tha gazetari. /
tvklan.al
