Aktori Laert Vasili ka rënë pre e dhunës ditën e djeshme, sapo doli nga banesa e tij.
Burime zyrtare të policisë bëjnë të ditur se 42 – vjeçari Vasili ka bërë kallëzim pranë Komisariatit të Policisë Nr 1 në Tiranë.
Ai ka deklaruar për blutë e kryeqytetit se në momentin që ka dalë nga banesa, në rrugën “Shyqyri Ishmi”, një person i pa identifikuar e ka goditur me grusht pas koke.
Nga intervistimi i kryer, sqaron policia, aktori ka thënë se nuk kishte konflikt me ndonjë person.
Specialistët e Komisariatit të Policisë Nr 1, po punojnë për identifikim e autorit të kësaj vepre, ndërsa janë referuar materialet në Prokurorinë e rrethit Tiranë, për veprën penale “Dëmtime të tjera me dashje”./tvklan.al
