Në fillim të këtij viti, punonjësja sociale Anja Ringgren Loven, shpërndau një fotografi të sajën duke i dhënë ujë një fëmije të braktisur.
2 – vjeçar i quajtur Hope, ka qenë i braktisur nga familja e tij pranë Uyo, në jug të Nigerisë. Ai u gjet më 30 Janar, i zhveshur dhe i uritur në rrugë nga 31-vjeçarja daneze, Anja.
E tronditur nga gjendja e fëmijës, danezja u përkujdes për 2-vjeçarin, duke e ushqyer dhe duke i dhënë ndihmë mjekësore. Ajo rrëfeu se nigeriani ia doli të mbijetonte pas transfuzionit të gjakut. Fëmija ishte braktisur nga familja e tij tetë muaj më parë, pasi ata besonin se ai ishte shtrigan (magjistar).
Fotoja e saj me Hope bë virale dhe mbërtheu zemrat e mjaft njerëzve në mbarë botën. Brenda vetëm dy ditësh organizata kishte marrë një milionë kroner daneze, 106.712 dollarë, nga donacionet për vogëlushin.
Organizata e Anjas e mori 2 – vjeçarin dy muaj më parë dhe që atëherë, ai ka bërë një rikthim të jashtëzakonshëm. Ai ka fituar peshë dhe mbi të gjitha është një fëmijë i lumtur dhe i shëndetshëm.
Megjithatë, doktorët kanë zbuluar një defekt gjenital në lindje. Për shkak të kësaj, Hope do t’i nënshtohet një operacioni javën e ardhshme.
“Ky është një operacion që mjekët e kanë kryer disa herë, kështu që Hope do të jetë shumë mirë”,
ka shkruar Anja në Facebook.
Anja është themeluese e Fondacionit “African Children’s Aid Education and Development”, një organizatë me qendër në Uyo, që ndihmon fëmijët e varfër apo të braktisur./tvklan.al