Përbërësit:
Për brumin
200 gr miell 00
350 gr miell manitoba, (ose miell amerikan)
85 gr sheqer
80 gr gjalp i shkrirë
2 vezë
20 gr maja birre e freskët
70 gr qumësht
1 lugë Sambuca
1 lugë kanellë
Lëkurë portokolli
Një lugë mjaltë
Pak kripë
Për lyerjen:
Një e verdhë veze
Një lugë qumsht
Për dekorim
Sheqer pluhur
2 vezë të ziera
Grimca të ngjyrosuara sheqeri
Për shurupin
125 gr sheqer
60 ml ujë
Përgatitja:
Vendosim në një enë qumështin dhe majanë e freskët të birrës, derisa kjo e fundit të shkrijë. Shtojmë një pjesë të miellit dhe e punojmë me dorë, deri sa të na krijohet një masë e butë.
E mbulojmë me qese dhe e lëmë të pushojë për një orë deri sa të vijë.
Bashkojmë në një enë tjetër pjesën e mbetur të miellit, sheqerin, sambuca, lëkurën e grirë të një portokolli, kanellën, pak kripë dhe mjaltin.
Në këtë enë shtojmë dhe masën që mbajtëm për një orë dhe vezët e rrahura. Në momentin që përbërësit bashkohen me njëri-tjetrin, shtojmë dhe gjalpin e shkrirë. Nëse është e nevojshme shtoni dhe pak qumësht që të jeni një masë e butë dhe elastike.
E vendosim brumin në një tas dhe e lëmë të pushojë për 3-4 orë.
Kur brumi të ketë ardhur mirë, ndajeni atë në dy pjesë dhe më pas i jepni një formë rrethore me vrimë në mes, ku pozicionojmë vezët e ziera dhe më pas i lyejmë me një të verdhë veze të rrahur me qumësht.
I vendosim në furrë për 30 minuta në temperarurën 180 gradë.
Ndërkohë përgatisim shurupin.
Hedhim në një tenxhere sheqrin dhe ujin, i japim një valë deri sa sheqeri të shkrijë plotësisht.
Lyejmë me shurup dy ëmbëlsirat e përgatituara dhe sipër i hedhim dhe pak grimca sheqeri të ngjyrosura./tvklan.al
