Europa është sërish në lot pas sulmit terrorist që i mori jetën 4 personave në zemër të Londrës.
Ngjarja tragjike që përkoi me një vjetorin e sulmit terrorist të Brukselit dhe që njëkohësisht vjen vetëm pak muaj nga sulmi terrorist i Berlinit, ka ngritur serish alarmin në kontinentin europian.
Italia gjendet në prag të celebrimit të 60 vjetorit të traktit të Romes, i cili me pas u shndërrua në Bashkimin Europian që njohim sot.
Ceremonia qe do të mbahet të shtunën në kryeqytetin italian, dhe veçanërisht sulmi terrorist i së mërkurës, kane çuar në rritjen e masave të sigurisë në Romë.
Të gjitha forcat e policisë italiane dhe shërbimet sekrete do të jenë në vigjilencë të plotë që pas sulmit të djeshëm në Britani, duke u përqendruar tek antiterrorizmi për të evidentuar çdo burim të mundshëm rreziku.
Objektet më të rrezikuara të kryeqytetit italian do të jenë në nivelet më të larta të sigurisë, përfshirë aeroportet.
Tv Klan
