Një familje u trondit kur gjeti trupin e një të panjohuri të veshur me kostumin e xhaxhait të tyre, në arkivolin e këtij të fundit.

Familja ishte mbledhur në një shtëpi funerali në Chattanooga, Tennessee, për të përcjellë për në banesën e fundit të dashurin e tyre Benjamin Brown Jr.

Por kur nipi i tij Willie Brown iu afrua arkivolit, ai shtangu, pasi brenda tij ai gjeti një të panjohur, në vend të xhaxhait.

“U thashë, ky nuk është xhaxhai im”,

tregoi Willie për mediat lokale. Ata që ishin rreth tij e kundërshtuan, duke i thënë se ishte xhaxhi, por shërbimi i funeralit i kishte vënë make – up ndaj dhe dukej ndryshe.

Por Willie vijoi të insistonte dhe i tha stafit se xhaxhai i tij nuk i kishte të dyja këmbët.

Kështu stafi vendosi të hapte të gjithë arkivolin nga ku rezultoi se në fakt burri që ndodhej në të i kishte këmbët, e për pasojë nuk mund të ishte Benjamin Brown Jr.

Ky i fundit rezultoi se ndodhej ende në morg dhe u soll në shtëpinë e funeralit 30 minuta më vonë.

Familjarët e përcollën të ndjerin për në banesë të fundit, por vendosën ta bënin rastin publik në mënyrë që një gjë e tillë të mos i ndodhë askujt tjetri.

Shtëpia e funeralit, sipas mediave lokale, kërkoi ndjesë për gabimin.

/tvklan.al