Një fanse e fiksuar pas futbollistit me origjinë nga Kosova, Adnan Januzaj, pjesë e Manchester United, ka anuluar dasmën e saj, pasi ka rënë në dashuri në sportistin.
Mai Alexander, 24-vjeçare nga provinca Wakefield, në West Yorkshire, ra në dashuri për herë të parë me Januzaj, kur e pa atë tre vjet më parë, në debutimin tij si lojtar i Manchester United.
Ajo u fiksua kaq keq me 21-vjeçarin, sa që filloi të planifikonte dasmën me të, të zgjidhte shtëpinë ku do të jetonin dhe emrat e fëmijëve të tyre.
Ajo i shkroi një letër, ku i tregonte atij dashurinë dhe më pas tentoi të vriste veten, por u shpëtua nga i dashuri i saj.
23-vjeçarja u bë e fiksuar pas Januzaj dhe i dërgonte me qindra mesazhe online pa marrë një përgjigje prej tij.
Në vitin 2015, në momentin që ajo e pa futbollistin në televizor me të dashurën e tij, tentoi sërish të vriste veten. Edhe këtë herë i dashuri i saj ishte ai që i erdhi sërish në ndihmë.
Fansja e fiksuar më pas iu nënshtruar terapive për sjellje obsesive.
Fiksimi pas futbollisti shqiptar, bëri që ajo të anulojë dasmën që kishte planifikuar në 2018 dhe që të prishte fejesën e saj.
”E ndiqja kudo në Twitter dhe në Instagram dhe bëhesha xheloze për komente që vinin në adresë të tij, mendoja se ishte i dashuri im dhe kërkoja gjithë kohës informacion për të parë se çfarë bënte”, ka thënë Alexander./tvklan.al
