Gazetarja e njohur Fjodora Fjora është bërë nënë.
Nëpërmjet një postimi në rrjetin social Instagram, Fjora bën me dije se tashmë është bërë nënë dhe për këtë falenderon njerëzit të cilët i kanë qendruar pranë.
Lajmi vjen ekskluziv për revistën “Living”, ku ajo pozon së bashku me të birin, Alteo.
Fjodora Fjora rrëfen për herë të parë ndjesinë e të qenurit nënë. Flitej prej kohësh në qarqet gazetareske që Fjodora kishte adoptuar një djalë të vogël, por asgjë nuk ishte e konfirmuar.
Një shembull i mirë ky i gazetares, Fjodora Fjora.
Kjo është hera e parë që një njeri publik në Shqipëri merr një iniciativë të tillë, për t’i dhënë jetë më të mirë një fëmije, fati i të cilit nuk dihet si do të ishte.
Megjithëse “single”, më në fund ajo ka gjetur kurajon për ta bërë publike këtë histori të bukur, e cila siç shprehet ajo i ka ndryshuar jetën. Në Instagram, Fjodora është përgëzuar pafund nga ndjekësit e saj për iniciativën e cila duhet marrë si etalon edhe nga shumë njerëz të tjerë që kanë mundësi financiare.
Në botë shembuj të tillë ka shumë. Rasti më i njohur është ai i aktores së famshme, Angelina Jolie e cila adoptoi fëmijë pa u kurorëzuar ende në martesë.
V. H