Flamurtari mori një 3-pikësh të rëndësishëm për mbijetesën në Superligë. Vlonjatët e Shpëtim Duros fituan në shtëpi me Vllazninë 2-0. Busic shënoi shumë shpejt në minutën e 7 dhe kjo i dha mundësi vlonjatëve të kontrollonin më mirë lojën e tyre. Në pjesën e dytë, Danilo Alvesh siguroi fitoren për Flamurtarin që tashmë e kaloi Laçin në renditje.
I kënaqur me 3 pikët, trajneri i flamurtarit, Duro, e sheh ende larg shpëtimin.
“
Asgjë s’ka mbaruar, çdo bilanc behet në fund të kampionatit. Ishte ndeshje që duhej marrë patjetër. E rëndësishme është që menaxhuam lojën
”, tha ai.
Edhe pse e dinte mirë vështirësinë e lojës, Armando Cungu është i zhgënjyer nga loja e skuadrës së tij.
“Menduam se kishte mbaru kampionati dhe erdhëm për ndeshje miqësore”, u shpreh Cungu.
Në “Elbasan Arena”, Luftëtari nuk i kurseu golat ndaj Korabit që luajti pa motiv. Gjirokastritët shënuan 4 herë dhe rimorën vendin e 4 duke u kthyer tek fitorja pas katër humbjesh./ TV KLAN
Superliga Renditja:
- Kukësi 59
- Partizani 59
- Skënderbeu 56
- Luftëtari 39
- Vllaznia 37
- Tirana 32
- Teuta 32
- Flamurtari 31
- Laçi 29
- Korabi 12
