Gjykata e Krimeve të Rënda ka marrë sot dëshminë me video-konferencë të Fatmir Vladit, dëshmitarit kyç të prokurorisë në gjyqin ndaj Arben Frrokut, i cili akuzohet për vrasjen e Kryekomisar Dritan Lamajt.
Për arsye sigurie, Vladi është mbajtur në ambiente të veçuara të kësaj gjykate, jo në të njëjtën sallë me të pandehurin.
Në seancën e zhvilluar me dyer të mbyllura mësohet se ai i ka qëndruar dëshmisë së dhënë më herët, se ka parë biznesmenin Arben Frroku në vendin e vrasjes së Lamajt më 24 shkurt 2013.
Fjalët e tij kanë qenë: “I qëndroj dëshmisë së mëparshme. Arben Frrokun e pashë të largohej nga vendngjarja me një makinë BMW”.
Tv Klan