Rreth 20 kg kanabis është sekuestruar nga policia kufitare enë Kakavijë, ndërsa në pranga kanë përfunduar tre persona.
Në dalje të fshatit Vrisera, nga kontrolli i ushtruar nga punonjësit e policisë kufitare në automjetin tip “Nissan”, me targa AA 061OK, u konstatuan disa pako poshtë kofanos së automjetit, në të cilat dyshohej se kishte lëndë narkotike.
Pas kontrollit të imtësishëm rezultoi se poshtë kofanos ndodheshin 10 pako të formave dhe përmasave të ndryshme, të mbështjella me natriban, brenda të cilave kishte kanabis.
Lënda narkotike u sekuestrua në cilësinë e provës materiale. Në pranga përfunduan: Paulin Brahimi, 38 vjeç; Kastriot Llupi, 26 vjeç; Vilson Rushi, 25 vjeç. Të tre janë nga Gjirokastra./tvklan.al
