Masakër në mes të qendrës, identifikohet e reja që u përplas për vdekje

Kjo është Alyssa Elsman, 18 – vjeçarja e cila u përplas për vdekje në Times Squares të New York, pasi një automjet u fut në mes të këmbësorëve.

Identiteti i të resë u konfirmua nga policia e New York. 18 – vjeçarja mësohet se po ecte në zemër të Midtown Manhatan me motrën e saj 13 – vjeçare kur ndodhi ngjarja.

Kjo e fundit mësohet se ka mbetur e plagosur, sëbashku me 22 persona të tjerë.

Autor i kësaj ngjarjeje që tronditi këtë enjte Shtete e Bashkuara është 26 – vjeçari Richard Rojas, nga Bronx. Ai e hipi makinën në trotuar dhe eci me shpejtësi të lartë për disa metra, duke marrë përpara këmbësorët.

Nga të plagosurit, 4 prej tyre mësohet se kanë marrë plagë kritike, me fraktura e trauma të shumta. Ata po trajtohen në spital, sëbashku me pjesën tjetër të të lënduarve, ndërsa gjendja shëndetësore 13 – vjeçares ende nuk dihet.

Në një konferencë të përbashkët për shtyp, Kryebashkiaku i New York, Bill de Blasio dhe drejtuesit e policisë e zjarrfikëses thanë se autori po lëvizte në 7th Avenue kur u kthye dhe u fut në trotuar.

Rojas u përpoq të largohej nga vendi i ngjarjes, por u ndalua nga një agjent trafiku. Autoritetet shpjeguan se për kapjen e Rojas u përfshinë edhe njerëz të thjeshtë.

Rrjeti amerikan NBC raportoi se Rojas pranoi para policisë se kishte pirë marijuanë përpara aksidentit. U raportua gjithashtu se Rojas ishte përleshur me një prej oficerëve të policisë gjatë arrestimit.