Tatlitug dhe Buyukustun rikthehen në Televizionin Klan me serialin e ri

Shikuesit e Televizionit Klan do të kenë mundësinë që së shpejti të ndjekin në të njëjtin serial dy prej aktorëve më të dashur turq, Kivanc Tatlitug dhe Tuba Buyukustun.

Në fund të vitit 2016 në Turqi ka nisur transmetimi i “Cesur ve Guzel” “Xhesuri (Guximtari) dhe e Bukura”, një superprodhim i kompanisë së produksionit “Ay Yapim”, i njëjti ekip që ka prodhuar serialet shumë të dashura për shqiptarët si “Ezel”, “Kuzey Guney”, “Diamante dhe dashuri”, “Dashuri e ndaluar”, etj.

Lajmi për blerjen e të drejtave të transmetimit të një prej serialeve më të ndjekur turq të momentit konfirmohet nga Drejtori i Programacionit në Televizionin Klan, Albert Dumani.

Kivanci njihet në Shqipëri për rolet Mehmetit tek “Gymysh”, Kuzey-t tek “Kuzey Gyney”, Behlulit tek “Dashuri e Ndaluar” etj, ndërsa Tuba njihen për rolin e Elifit në serialin “Diamante dhe dashuri”, të gjithë transmetuar në Televizionin Klan. 

Xhesuri dhe e Bukura

Tahsin është kreu i familjes Korludag, pasuria dhe influenca e madhe në shoqëri bën që të gjithë t’a kenë frikë dhe t’a respektojnë. Nuk ekziston një vend apo person në qytet të cilin ai nuk e kontrollon. Ai është baba i dy fëmijëve; i biri Korhan është zhgënjim total për të atin; Tahsin do shumë Syhan (Tuba Buyukustun), vajzën e tij të zgjuar dhe të bukur.         

 

Bashkëshortja e Korhanit rreket pa sukses të ngelet shtatzënë. Ajo shkon deri aty sa tenton të vrasë kunatën e saj, Syhan, nga frika se mos ajo lind para saj trashëgimtarin e familjes.

Mirëpo planet e saj djallëzore dështojnë kur një i huaj, i pashëm dhe i çuditshëm, futet në histori duke shpëtuar jetën e Syhan.

Shpejt ai bëhet i dashuri i Syhan (e cila po shtynte një fejesë pa dashuri) dhe zë vendin e djalit për të cilin Tahsin gjithmonë ka ëndërruar. Por, ajo që askush nuk di është se hakmarrja (ndaj Tahsinit) qarkullon në venat e Xhesurit (Kivanc Tatlitug) dhe shfaqja e tij nuk ishte aspak rastësi.

A do t’a ndalojë dashuria për Syhan Xhesurin të marrë hak ndaj Tahsinit, apo e gjitha është pjesë e planit të tij të madh hakmarrës…?

Kjo do të zbulohet në ekranin më të ndjekur të shqiptarëve, Televizionin Klan./tvklan.al

Kategori
FotogaleriShowBizTe funditTë gjithaTv Klan
8 Komente
  • ORnela
    15 Mars 2017 at 13:20
    Përgjigju

    Na e keni shpifur me keto telenovelat turke.Pse nuk e ktheni televisionen gjith ne turistar? Gjithsesi te pakten mos e jepni mbas Sarasvatrichandra.

  • Alesia
    29 Mars 2017 at 19:49
    Përgjigju

    Ne vend te kujt fillon dhe kur

  • ada
    10 Prill 2017 at 13:49
    Përgjigju

    po kur fillon

  • esmerala
    19 Prill 2017 at 03:42
    Përgjigju

    Ornela nuk quhen telenovela, por filma serial. Ose seriale televizive. Telenovelat behen neper skena te mbyllura dhe jane me teper teatral. Dhe kane shume pak ose aspak skena, qe zhvollohen jashte dekoreve.Sic eshte dhe rasti i Sarasvaticandra e cila mund te quhet telenovele.

  • ela menko
    21 Prill 2017 at 10:23
    Përgjigju

    Nuk ke te drejte qe e shan ate telenovele mund te shash nje tjeter po ate jo.Ah sarasvatichandra pse mbarove?!

  • ela menko
    21 Prill 2017 at 10:26
    Përgjigju

    Sarasvatichandra eshte filmi me i bukur!Ju lutem tv klan a mund ta ritransmentoni ate pasi telenovela “SI TA QUAJ KETE DASHURI “te mbaroje?

  • ela menko
    21 Prill 2017 at 10:28
    Përgjigju

    tv klan a mund ta transmetoni filmin sarasvatichandra pasi filmi si ta quaj kete dashuri te kete mbaruar?

  • ela menko
    21 Prill 2017 at 10:33
    Përgjigju

    Aman se na i shpifet me ate filmin”EZEL”. Si thoni ju qe keni komentuar ne kete faqe?!

  • Përgjigju

    *

    *

    Të Lidhura