A është ky fustan i bardhë dhe flori apo blu dhe i zi?
Kjo është pyetja që ka pushtuar rrjetet sociale orët e fundit, duke bërë që të komentojnë si njerëzit e thjeshtë ashtu edhe ata të famshëm.
Fustani dy ngjyrësh ka ndarë komentuesit në një debat online, ku një pjesë thonë se e shohin atë të bardhë dhe flori dhe pjesa tjetër, blu dhe të zi.
Fotoja është postuar për herë të parë në Tumblr nga 21- vjeçarja Caitilin McNeill, nga Skocia.
Pasi njoftoi miqtë e saj se në foton që kishte shkrepur shihte dy ngjyra, ajo vendosi ta publikojë në rrjetet sociale.
Fotot e fustanit, të cilat u përhapën menjëherë, filluan të komentoheshin edhe nga persona të famshëm.
Figurat e njohura që janë përfshirë në këtë debat janë Kim Kardashian, Kanye West, Justin Bieber, Taylor Swift, etj.
tvklan.al