Deanna Wilson i kanë mbetur vetëm pak muaj jetë, gjithçka pasi mjeku që e vizitoi nuk vuri re një gjëndër që ajo kishte në gjoks dhe e përcolli duke i thënë: “
Femrat në moshën tënde nuk kanë kancer”.
35 – vjeçarja zbuloi një gjëndër që po zmadhohej shpejt tre vite më parë dhe shkoi për vizitë tek mjeku i familjes.
Stilistes nga Crossgates, Skoci, iu tha se gjëndra nuk ishte asgjë për t’u shqetësuar. Kur ajo insistoi, mjeku pranoi që ta referonte rastin e saj tek një specialist, por e markoi si një rast me prioritet të ulët.
Jo vetëm kaq, por ai i tha pacientes që ta shuante takimin tek specialisti kur gjëndra të zhdukej.
Pasi priti për 3 muaj për një takim në spital, Deanna u diagnostikua me kancer në gji, që ishte përhapur në mëlçi dhe kocka, duke i dëmtuar rëndë shpinën e pjesën e legenit.
E reja, e cila u martua vitin e shkuar, duke folur për “The Sun” tha se mjeku i familjes, kishte patur mirësinë që të kërkonte ndjesë pas diagnostikimit me kancer terminal.
“Më thanë që nuk kisha asgjë, që të shkoja në shtëpi dhe të rikthehesha pas 6 javësh për ta rishikuar, nëse ishte ende aty apo kishte ndryshuar. I thashë mjekut se gjëndra ishte rritur, pasi e kisha dalluar fillimisht 6 javë më parë, por më tha se vajzat në moshën time nuk kanë kancer…
“, rrëfeu 36 – vjeçarja./tvklan.al