Teksa është zbuluar vendi ku një ditë më parë u rrëzua avioni spanjoll në Mali, është njoftuar edhe gjetja e kutive të tij të zeza.
Lajmi është konfirmuar nga Presidenti francez François Hollande sot paradite.
Në avionin e modelit MD83 që fluturonte për llogari të Air Algerie nga kryeqyteti i Burkina Fasos për në atë të Algjerisë, ndodheshin 116 persona.
Të gjithë humbën jetën dhe mes tyre 51 janë shtetas francezë.
Vendi ku ndodhen mbetjet është lokalizuar në territorin e Malit, rreth 50 kilometra në veri të Burkina Fasos.
Ai po ruhet nga 100 ushtarakë francezë dhe 30 mjete të blinduara.
Nga hetimet paraprake është zbuluar se piloti ka kërkuar ndryshimin e kursit për shkak të motit të keq.
Ndërsa nuk përjashtohet edhe mundësia e ndonjë akti terrorist.
Tv Klan