Pasi ishte kthyer nga dy takime elektorale Klos dhe Mat, deputeti i Partisë Demokratike Bedri Hoxha ka parë automjetin e tij të dëmtuar.
Gjatë natës persona ende të paidentifikuar kanë goditur dhe thyer me mjete të forta xhamin e pasëm të fuoristradës, teksa ajo ndodhej në parkingun e një hoteli në Burrel. Deputeti Hoxha e cilësoi të qëllimshëm këtë sulm dhe me prapavijë politike.
Policia thotë se ka nisur menjëherë hetimet për ngjarjen duke marrë në pyetje disa persona dhe ka sekuestruar kamerat e sigurisë të bizneseve aty pranë.
Tv Klan
