Google është dënuar me një gjobë prej 2.4 miliardë Euro nga Komisioni Evropian për shkak të shkeljes së konkurrencës në lidhje me promovimin e produkteve të saj në internet.
Kjo është gjoba më e madhe e vendosur deri më sot ndaj një kompanie të akuzuar për “shtrembërim” të tregut. Sipas vendimit të Komisionit Evropian, Google urdhërohet gjithashtu për t’i dhënë fund praktikave anti-konkurruese brenda 90 ditëve ose do të përballet me një tjetër dënim, raporton BBC.
Kompania amerikane nuk ka reaguar deri tani, por mund të vendosë edhe që të apelojë dënimin.
/tvklan.al
