Vetëm pak ditë pas varrimit të bashkëshortit të saj, Lindsey Briggs ende nuk e ka pranuar faktin se ka mbetur e ve në moshën 40 – vjeçare.
Gruaja luftoi dhe fitoi një betejë 1 – vjeçare ligjore, që bashkëshorti i saj, 43 – vjeçari Paul të lejohej të vdiste, pas aksidentit fatal që e la në koma dhe me dëmtime në tru.
Dhe kur ai u nda nga jeta muajin e shkuar, Lindsey e dinte se kishte përmbushur dëshirën e tij dhe e kishte çliruar nga dhimbjet.
Megjithatë, vendimi i saj tashmë shoqërohet me dhimbje e frikë se do të gjykohet gjithmonë si gruaja që e donte të shoqin të vdekur.
“
Kam patur një mbështetje të madhe nga i gjithë vendi, nga ata që e kuptojnë se gjithçka e bëra për hir të dashurisë së kisha për Paul. Por ka edhe nga ata, që qëndrojnë kryesisht pas kompjuterit, të cilët nuk i kursejnë komentet e liga dhe më akuzojnë se doja ta hiqja qafe”,
shpjegon gruaja për të përditshmen “Mirror”.
Tashmë nëna e një vajze 5 – vjeçare thotë se e vogla është prioriteti i saj dhe se dëshiron që ajo të jetë e lumtur dhe të ketë një jetë të qetë.
Paul, një oficer policie dhe ish – veteran lufte pësoi dëmtime të rënda në tru, pasi u përplas me makinë teksa udhëtonte me motor, në 2015 –ën.
Autorja, 26 – vjeçarja Chelsea Rowe u dënua me 12 muaj burg, për drejtim të rrezikshëm të automjetit, pasi përfundoi në kahun e kundërt të rrugës. Ajo nuk ka kërkuar kurrë falje, por Lindsey shprehet se nuk i dëshiron të keqen./tvklan.al
