Një nënë e re e solli fëmijën e saj në jetë teksa ndodhej në koma.
24 – vjeçares Danielle Johnson i erdhën dhimbjet e lindjes 5 javë më herët, pasi u sëmur nga pneumonia. Kjo i detyroi mjekët që ta vendosnin atë në koma, në mënyrë që t’i shpëtonin të dyve jetën.
I vogli Lucas lindi i shëndetshëm, por kur mjekët tentuan të sillnin në jetë nënën e dij, trupi i Danielle nuk u përgjigj dhe ajo mbeti në koma edhe për 20 ditë të tjera.
Kur u zgjua, e reja mendoi se kishin kaluar vetëm pak orë dhe ishte e bindur që e kishte humbur beben.
Nëna e dy fëmijëve, ishte kaq e bindur për këtë sa sulmoi të vëllain kur ai i tregoi foto të Lucas, sepse mendonte se ai po gënjente.
Duke folur për herë të parë, Danielle nga Manchester tha:
Kisha halucinacione dhe mendoja se të gjitha infermieret ishin të tmerrshme dhe po përpiqeshin të më vrisnin. Besoja se djali kishte vdekur.
Ajo rrëfen se edhe kur e takoi të birin për herë të parë iu desh kohë që të mësohej me faktin, pasi kishte imagjinuar se kur ta merrte në krahë, ai do të ishte i porsalindur dhe jo tre javësh./tvklan.al
