Për Komisionerin Europian të Zgjerimit Johannes Hahn, vrasja e liderit të serbëve të Kosovës Oliver Ivanoviç tregon se Ballkani është një rajon ende i pastabilizuar. Në një intervistë për agjencinë e lajmeve Reuters, Han bën thirrje për bashkëpunim mes vendeve të rajonit për të ulut tensionet.
“Shpresoj që kjo të jetë një thirrje zgjimi për politikanët e përgjegjshëm. I kërkoj liderëve të kuptojnë se vetëm bashkëpunimi e pajtimi janë të vetmet rrugë për të ecur përpara”.
Komisioneri europian flet gjithashtu edhe për raundi e radhës së zgjerimit të Bashkimit Europian në vitin 2025, për të cilën thotë se vetëm Serbia dhe Mali i Zi janë gati për t’u antarësuar.
“Kemi vendosur 2025-ën si datë treguese për Serbinë dhe Malin e Zi, që është realiste por edhe shumë ambicioze”.
Megjithatë në strategjinë e re të Komisionit Europian, që do të prezantohet në Shkurt, Kosovës dhe Serbisë i kërkohet që të kenë përfunduar me sukses procesin e normalizimit të marrdhënieve deri në fund të 2019-ës.
Tv Klan
