Harrojnë derën hapur, vdes anëtarja e ekuipazhit të avionit

Një grua ka vdekur pasi ka rënë  nga dera e emergjencës e një avioni në aeroportin e Entebbe të Ugandës, shkruan BBC.

Gruaja, shtetësia e së cilës nuk është zbuluar, u dërgua menjëherë në spitalin Kisubi por vdiq shpejt pas, tha një zëdhënës. Autoritetet e aviacionit të Ugandës thonë se kanë nisur një hetim.

Në një deklaratë thuhet se dera emergjente e avionit ishte e hapur.

Agjencia e lajmeve AFP citon një deklaratë nga linja ajrore Emirates Airline duke thënë: “Një anëtar i ekuipazhit tonë të kabinës fatkeqësisht ra nga një derë e hapur.

Linja ajrore me bazë në Dubai premtoi “bashkëpunimin e saj të plotë” për të zbardhur ngjarjen.