Pas thirrjes së kreut të kryedemokratit Basha për dënimin e përgjegjësve për shëndetin e 76 pjesëmarrësve në Mitingun e PD-së, ka reaguar edhe Partia Socialiste, e cila thekson se hetimi po vazhdon, por i kërkon opozitës të mos merret me konspiracion.
“Të gjithë e dinë që kjo nuk ishte tullumbace, por unë mund t’ju them se është detyra e autoriteteve që të vene para përgjegjësisë autorët, ne po bëjmë analizën tonë”, tha Basha.
Partia Socialiste reagoi në një deklaratë për media, ku tha se “drejtori i përgjithshëm i policisë urdhëroi sigurimin e hapësirës publike ku u zhvillua aktiviteti i mbrëmjes së djeshme dhe hetimet vazhdojnë ende. Pra, institucionet po punojnë dhe të gjithë autoritetet përkatëse ishte gati për të ofruar ndihmesën e vet.”
“Thënë kjo, ne i bëjmë seriozisht thirrje PD-së që të përqendrohet te çështjet e vërteta të fushatës dhe të mos merret me teori konspiracioni”, thuhet në deklaratë.
Partia Socialiste i uron shërim sa më të shpejtë të gjithë të lënduarve, dhe veçanërisht liderit të Opozitës. “Ne dëshirojmë që ai të bëjë fushatë dhe jo të flasë për konspiracion, gjë e cila tregon se në çfarë gjendje të çoroditur është Partia Demokratike.”/tvklan.al
