Fatjon Muçës, 27 – vjeçarit nga Durrësi që u arrestua në Itali me 8 shtator të vitit 2014 pasi u kap me 35 kg heroinë i është ulur dënimi.
Dy ditë më parë Gjykata e Apelit të Venecias, reduktoi dënimin nga 9 vjet e 8 muaj dhe 200 mijë euro gjobe në 8 vjet dhe 50,000 mijë euro gjobë për shkak të pranimit të fajësisë.
Fatjon Muca dhe një minoren 17 – vjeçar u arrestuan nga karabinierët e Padovës pasi gjatë kontrollit të banesave të tyre u kapën me 35 kg heroinë të pastër (me çmim pakice vlen rreth 7 milion euro).
Në banesë u zbuluan edhe 60 kg substancë që shërbente për përzierjen e drogës. Shtëpia ishte kthyer në një laborator droge, ku kryhej përzjerja e heroinës së pastër si edhe ambalazhimi në pako 1 kilogram, por edhe në doza për përdorim personal, të gatshme për shitje.
Ishte një sinjalizim nga kolegët karabinierë të vendosur në Shqipëri, që shërbeu për fillimin e survejimit të bazës, ku strehohej ky laborator droge.
Heroina e pastër vinte nga Turqia dhe Shqipëria dhe pastaj shpërndahej në tregun italian. Fatjon Muça rezultonte me rrogë të rregullt, arkëtuar edhe 4000 euro në javë për të siguruar ruajtjen dhe përpunimin e sasisë së heroinës që periodikisht i ishte besuar.
Tv Klan
