Një kompani ka dizenjuar një pistoletë, e cila është e maskuar mirë, pasi ka pamjen e një smartphone. Ideal Conceal quhet pistoleta më e re, e cila pret së shpejti liçensën e aprovimit për të dalë në treg. Ajo është e përbërë nga dy tyta, është një pistoletë e kalibrit 380 me lazer, ka kamera sigurie dhe pamjen e një telefoni të zgjuar.
Dizajni i veçantë ka tërhequr vëmendjen e shumë njerëzve, po gjithashtu ka shkaktuar një debat të fortë në lidhje me kontributin e saj në shtimin e përdorimit të armëve të zjarrit.
“
Ajo që është shqetësuese është fakti që ngjan shumë me një telefon të vërtetë dhe mund të transportohet lehtësisht dhe njerëzit nuk do arrijnë ta kuptojnë rrezikun që u kanoset dhe mund të mbahet me vete gjithmonë, duke e rritur rrezikun e përdorimit të armëve të zjarrit”
, – u shpreh njëri prej kritikëve.
Kjo pistoletë mund të futet lehtësisht në xhep dhe pasi ju fikni butonin e sigurimit, ‘telefoni’ transformohet në një armë zjarri. Nëse patenta aprovohet, kjo pistoletë do të dalë në treg në mes të këtij viti./tvklan.al