Të paktën 20 persona kanë humbur jetën dhe rreth 100 të tjerë janë plagosur si pasojë e shembjes së një mbikalimi në ndërtim, në Kalkuta, në lindje të Indisë. Mediat e huaja njoftojnë se, fatkeqësisht bilanci i viktimave mund të rritet, pasi të paktën 70 persona kanë mbetur të bllokuar nën rrënoja.
Ngjarja ndodhi pranë Girish Park, një prej zonave më të populluara të qytetit. Blloku gjigant i çelikut ra në një rrugë plot me njerëz e me biznese.
Mbikalimi i gjatë 2 km, ka nisur të ndërtohet që prej vitit 2009 dhe i kishte kaluar disa herë afatet e punimeve. Nuk dihen ende shkaqet e kësaj fatkeqësie, por kompania e ndërtimit u shpreh se do të ndihmojë hetuesit në zbardhjen e ngjarjes.
Tv Klan
