Edhe pse sezoni turistik ka nisur tashmë duket se jo të gjitha plazhet shqiptare janë të përgatitura ashtu siç duhet për të pritur fluksin e turistëve.
Në rubrikën “Kallëzo” në tvklan.al, është denoncuar nëpërmjet fotove se në plazhin e Spillesë, në Bashkinë e Kavajës nuk ka asnjë kosh mbeturinash.
Për pasojë pushuesit që frekuentojnë këtë zonë turistike janë të detyruara që plehrat t’i hedhin në rrugë.
Ashtu siç duket nga fotot në pika të ndryshme të rrugës shikohen grumbullime mbeturinash që pushuesit lënë pas një dite plazhi./tvklan.al