Teksa vëmendja e gjithë botës është përqendruar tek inaugurimi i Presidentit të 45-të amerikan, Donald Trump, revista “Time” ka rrëmuar në arkivat e Kongresit për të gjetur foton e parë nga një inaugurim presidencial.
Fotoja e mësipërme është shkrepur nga John Wood më 4 Mars 1857 gjatë inaugurimit të Presidentit të 15-të të SHBA-ve, James Buchanan.
Revista “Time” shkruan se kjo fotografi është shkrepur kur Capitol Hill ishte ende në ndërtim.
Fotografi John Wood asokohe punonte për arkitektin e Capitol Hill, Montgomery C. Meigs. Pasi punoi disa vjet për arkitektin, ai u largua dhe u bë fotograf i Luftës Civile që përfshiu Amerikën.
Dihet pak për jetën dhe punët e tij të mëvonshme, por trashëgimia e tij do të jetojë përgjithmonë me këtë foto./tvklan.al
