Kosova kopjon Shqipërinë, rrugët me pagesë

Qarkullimi në autostradat e Kosovës pritet të bëhet me pagesë, pasi të jetë vlerësuar efektshmëria e futjes së pagesës në “Rrugën e Kombit”, nga autoritetet e Shqipërisë.

Kështu kanë deklaruar zyrtarë të Qeverisë së Kosovës. Por ende nuk është marrë ndonjë vendim kur do të fillojë aplikimi i tarifave rrugore.

Kosova, me buxhetin e saj ka punuar në dy autostrada, njërën që e lidh me Shqipërinë nga njëra anë dhe në pritje të lidhjes me Serbinë nga ana tjetër. Megjithatë kjo nismë nuk është pranuar nga qytetarët e Kosovës.

Dy autostradat e Kosovës të ndërtuara me buxhetin e vendit kapin një shifër prej mbi një miliard e gjysmë euro pa një ndihmë nga jashtë. Autostrada Durrës – Kukës – Morinë, që lidh Kosovën më Shqipërinë e quajtur “Ibrahim Rugova”, zyrtarisht thuhet se ka kushtuar mbi 700 milionë euro.

Vënia e taksave për shfrytëzimin e autostradave, do të bëhet për arsye të menaxhimit dhe mirëmbajtjes nga sektori privat, për shkak të kostove të papërballueshme për buxhetin.Lidhur me procesin e dhënies me koncesion, Qeveria ende nuk ka bërë ndonjë plan të detajuar./tvklan.al

 

Kategori
KosovaLajmet KryesoreTe funditTë gjitha
0 Komente

Përgjigju

*

*

Të Lidhura