Një krim i rëndë ka ndodhur mëngjesin e sotëm në fshatin Xhafzotaj të Durrësit. Djali ka vrarë me çifte nënën dhe babain e tij.
Nga informacionet paraprake dyshohet se djali vuante nga probleme mendore.
Policia e Durrës thotë se ngjarja e rëndë ka ndodhur në familjen Nika. Viktimat janë Ali Nika 70 – vjeç dhe Jenije Nika 66 vjeçe, ndërsa djali që kreu krimin është Leo Nika 29- vjeç.
Uniformat blu kanë shkuar menjëherë ne vendngjarje, pasi u njoftuan për krimin e rëndë. Në momentin e arrestimit policia thotë se autori ka qenë i dehur.
Leo Nika do të merret në pyetje nga hetuesit në lidhje me shkaqet e këtij krimi.
Njoftimi i policisë:
Më datë 29.06.2017, rreth orës 07:55, në Xhafzotaj, pranë derës së banesës janë gjetur të vrarë me armë zjarri, shtetasit A.N. rreth 70 vjeç dhe bashkëshortja e tij, shtetësia J.N. 66 vjeçe.
Me të marrë njoftim menjëherë në vendngjarje kanë shkuar Efektivet e Policisë, të cilët kanë bërë të mundur identifikimin dhe kapjen e autorit të dyshuar dhe sekuestrimin e armës së krimit, çifte.
Dyshohet se autor është djali I tyre, shtetasi L.N. 29 vjeç. I cili po pyetet rreth rrethanave të ngjarjes, në sqarimin e plotë të saj.
/tvklan.al