Kukësi ngjitet në krye të renditjes



Pero Pejiç i dha fitoren Kukësit, që e ngjit përkohësisht në krye të renditjes në javën e 29-të të Superligës. Sulmuesi kroat ishte shënuesi i golave në fitoren 2 – 0  në fushën e Teutës. Pejiç arriti të realizonte në pjesën e dytë dhe është i pari me 17 gola në Superligë, shumë pranë shpalljes golashënuesi i sezonit për të tretën herë.

Skënderbeu arriti një fitore të lehtë me vendin e fundit në klasifikim Korabin. Ekipi korçar mori 3 pikët me suksesin 3 – 0. Skuadra dibrane me shumë probleme, në këtë takim u drejtua nga zv/trajneri, Ermal Nexhipi, pas largimit të Gerd Haxhiut nga klubi. Golat në këtë përballje u shënuan nga Jashanica, Salihi dhe Nimaga.

Tirana nuk fitoi edhe me Laçin. Ndeshja e luajtur në “Selman Stërmasi” u mbyll pa gola. Bardheblutë nuk fitojnë në kampionat prej 12 javësh. Të dielën do të luhen edhe dy sfidat e mbetura Vllaznia – Partizani dhe Luftëtari – Flamurtari./TV KLAN


Kategori
SportTe funditTë gjitha
0 Komente

Përgjigju

*

*