Mirësevini në terminalin ku vetëm 1 % e popullsisë mund të udhëtojnë! Kështu ironizon roja i aeroportit të Los Angeles, teksa jep lajmin për gazetarët.
Paparacët e mbledhur janë mbajtur në distancë nga një prej terminaleve, i cili është tashmë i rezervuar vetëm për yjet e sportit, muzikës dhe miliarderët.
Duket si një film fantastiko – shkencor, shkruan GQ Italia, që përshkruan një shoqëri të dyzuar, në të cilën popullata është e ndarë rreptësisht në një klasë të privilegjuar dhe në një jo të tillë.
Aeroporti hollivudian shumë shpejt do t’i ndajë yjet nga njerëzit e thjeshtë.
Ky terminal, do t’ju ofrojë lehtësira personazheve të njohur dhe biznesmenëve dhe do t’i shoqërojë ata nga njëri avion në tjetrin për udhëtime të gjata. Nëse njërit prej këtyre personazheve do i duhen 60 hapa për të arritur në destinacion, një njeriu të thjeshtë i duhen mesatarisht 2000 të tilla.
Përdorimi i zonës do të ketë një kosto mesatare nga 1500 deri 1800 dollarë për pasagjerë.
Një terminal i ngjashëm do të ndërtohen në New York dhe me shumë mundësi në Miami, San Francisco, Chicago e Dallas./tvklan.al