Përbërësit
Kungull
Speca
Karrota
Vaj ulliri
Kripë
Beshamel
Peta lazanje
Salcë pesto
Djathë parmigiano i grirë
Përgatitja
Presim hollë në mënyrë vertikale perimet dhe i hedhim në një tigan me vaj ulliri. Shtojmë kripë dhe piper. Pasi i japim një të skuqur të lehtë, fikim sobën.
Hedhim në tavë një shtresë të hollë me beshamel. Më pas shtrojmë shtresën e parë të petave të lazanjës. Shtrojmë perimet duke shtuar edhe salcën pesto dhe djathin parmigiano. Vijomë të shtojmë një e nga një shtresat e lazanjës. Pas shtresës së fundit, hedhim sipër djathë parmigiano të grirë. Piqet në furrë në 190 gradë për rreth 15-20 minuta./tvklan.al