Një 22-vjeçar ka mbetur i plagosur rëndë, pasi makina me të cilën po udhëtonte ka përfunduar në humnerë.
Aksidenti ndodhi në orën 09:15 në aksin rrugor Shkodër-Koman, në vendin e quajtur Qafa e Komanit.
Drejtuesi i mjetit ka humbur kontrollin dhe për pasojë makina doli nga rruga duke rënë në një lartësi 20 metra.
Sipas policisë i riu u transportua me autoambulancë në spitalin rajonal të Shkodrës dhe ndodhet në gjendje kritike për jetën.
Paraprakisht si shkak i aksidentit dyshohet drejtimi i parregullt i mjetit.
/tvklan.al
