A mund të ketë shoqëri mes një mashkulli dhe një femre?

Kjo është padyshim një pyetje që prej dekadash shkakton debat.

Tashmë një studim i ri ka hedhur dritë mbi këtë pyetje shumë vjeçare, por jo duke u fokusuar në “aspektin seksual”. Kështu, mesa duket problemi i vërtetë mes dy gjinive është mënyra sesi ata

përkufizojnë shoqërinë

: Teksa femrat e shohin shokun/shoqen e tyre të ngushtë diçka mes motrës dhe shpirtit binjak, meshkujt e shohin atë në bazë të interesave.

Psikologu Robin Dunbar, nga Universiteti i Oxford e bëri këtë zbulim teksa po studionte mënyrën sesi ndryshon rrethi shoqëror nga momenti që dikush përfundon shkollën e mesme dhe futet në universitet.

“Ajo që përcaktonte tek femrat nëse shoqëritë e vjetra shpëtonin ose jo, ishte përpjekja për të biseduar me njëra tjetrën në telefon. Nëse nuk kishte përpjekje, shoqëria mes tyre nuk mbijetonte”,

shpjegon eksperti për të përditshmen britanike “Telegraph”

.

“Të biseduarit nuk kishte absolutisht asnjë efekt tek marrëdhënia e djemve. Ajo që e mbante gjallë shoqërinë mes tyre ishte të bërit gjëra sëbashku, si të shkuarit në një ndeshje futbolli, të dalit në lokal për një gotë, etj.”

Sipas Dunbar, femrat kanë dukshëm një shoqëri më të afërt dhe më intensive. Ndërsa djemtë kanë tendencën që të mos e kenë një gjë të tillë në një marrëdhënie, por të kenë një grup prej katër djemsh me të cilët bëjnë gjëra të ndryshme. Kjo është diçka shumë më spontane./tvklan.al